Biləcəri stansiyasında kartları yükləməkdə problem yaranıb

Bakı-Sumqayıt-Bakı marşrutu üzrə hərəkət edən elektrik qatarından istifadə edən sərnişinlər bu səhər problemlə üzləşib. BAKU.WS xəbər verir ki, qatarın Biləcəridən keçən stansiyasında karta ödəniş etmək üçün əməkdaşlara müraciət edən sərnişinlər istəklərinə çatmayıblar. Stansiya əməkdaşı kartı yükləmək üçün cihazın xarab olduğunu bildirərək, sərnişinlərə əlavə bilet almağı təklif edib. Sakinlər mövcud vəziyyətin vaxtaşırı təkrar olunduğunu bildiriblər və problemin birdəfəlik həll edilməsini istəyiblər.