Bibiheybət məscidinin yaxınlığındakı yolda TƏHLÜKƏ - Maşına ziyan dəydi

Lokbatan dairəsindən şəhər istiqamətində hərəkət edən avtomobillərdən biri yolun Bibiheybət məscidi yaxınlığından keçən hissəsində qapağı açıq qalan lyuka düşüb.

Bu barədə məlumat BAKU.WS-in "qaynar xətti"nə daxil olub.

Bildirilib ki, hadisə ötən gün səhər saat 08-09 radələrində baş verib. Nəticədə avtomobilə maddi ziyan dəyib. Sürücü bildirib ki, ərazidə əvvəlcədən hər hansı xəbərdaredici nişan və ya təhlükəsizlik tədbiri olmayıb.

Vətəndaşın iddiasına görə, hadisədən əvvəl ərazidə müvafiq qurumlardan biri tərəfindən işlər aparılıb və lyukun qapağı həmin işlər zamanı açıq vəziyyətdə qoyulub.

Sözügedən kadrları təqdim edirik: