Baş Prokurorluq: Cəbrayılda aşkarlanan insan sümükləri ilə bağlı araşdırma aparılır - YENİLƏNİB

Cəbrayıl rayonunun Çullu kəndində aşkarlanan insan sümükləri ilə bağlı araşdırmalara başlanılıb.

Bu barədə BAKU.WS-ə Baş Prokurorluğun mətbuat xidmətindən bildirilib.

Qeyd edək ki, Çullu kəndində 2 ədəd kəllə və 2 ədəd alt çənə sümüyü olmaqla insana məxsus olan ümumilikdə 21 ədəd sümük, habelə 1 ədəd əl qumbarası aşkarlanıb.

***11:27

Cəbrayıl rayonunun Çullu kəndində insan sümükləri tapılıb.

BAKU.WS Qafqazinfo-ya istinadla xəbər verir ki, iki gün əvvəl kənd ərazisində yer səthinin 3-5 santimetrliyində 2 ədəd kəllə və 2 ədəd alt çənə sümüyü olmaqla insana məxsus olan ümumilikdə 21 ədəd sümük və 1 ədəd əl qumbarası aşkar edilib.

Məlumata görə, yaxınlıqda insan skeletinin digər hissələrinə rast gəlinməyib.

Faktla bağlı aidiyyəti qurumlar tərəfindən araşdırmalara başlanılıb.