Bakıda zəncirvari qəza - Yaralılar var - VİDEO

Bakıda zəncirvari qəza baş verib.

Hadisə şahidləri BAKU.WS-in “qaynar xətti”nə məlumat veriblər ki, qəza Babək prospektindəki körpüdə baş verib. İlkin məlumatda yaralıların olduğu bildirilib.

Hadisə ilə bağlı Bakı şəhər Dövlət Yol Polisi İdarəsinin bölmə rəisi Toğrul Nəsirli BAKU.WS-ə açıqlama verib.

“BU gün saat 13:30-da paytaxtın Nizami rayonu, Babək prospektində 3 nəqliyyat vasitəsinin iştirakı ilə zəncirvari yol nəqliyyat hadisəsi baş verib.

Nəticədə 4 nəfər xəsarət alıb. Hazırda faktla bağlı Nizami rayon polis İdarəsində araşdırma aparılır”, - deyə qurum rəsmisi bildirib.