Bakıda soyğunçuluq edən şəxsi polis saxladı

Paytaxtın Nizami rayonunda soyğunçuluq hadisəsi baş verib.

BAKU.WS xəbər verir ki, naməlum şəxs gecə saat 03 radələrində zərərçəkmişə evinin qarşısında fiziki güc tətbiq edərək pul vəsaitini ələ keçirib.

Bu barədə vətəndaş polisə bildirib.

Polis əməkdaşları tərəfindən keçirilən tədbirlə talama cinayətini törətməkdə şübhəli bilinən, keçmişdə də eyni əməllərə görə dəfələrlə məhkum olunmuş 36 yaşlı S.Əliyev müəyyən olunaraq saxlanılıb.

Faktla bağlı araşdırmalar davam etdirilir.