Bakıda itkin sayılan 20 yaşlı qadın evi könüllü tərk edib

"Xəzər rayonu Buzovna qəsəbəsində yaşayan Ş.Bayrızadənin evdən xəbərsiz çıxaraq geri qayıtmaması barədə polisə məlumat daxil olub. Həmin şəxs axtarışa verilib".

Bu barədə BAKU.WS-ə DİN-in Mətbuat Xidmətinin əməkdaşı Lumu İsrəfilli bildirib.

"İlkin axtarışlar nəticəsində polis onun şəxsi sosial şəbəkə hesabı vasitəsi ilə əlaqə saxlaya bilib. Ş.Bayrızadə könüllü olaraq evdən getdiyini bildirsə də olduğu yer barədə məlumat verməkdən imtina edib.

Hazırda həmin şəxsin yerinin müəyyən edilməsi və bu barədə yaxınlarına məlumat verilməsi istiqamətində əməliyyat-axtarış və əməliyyat-texniki tədbirlər davam etdirilir",-deyə DİN rəsmisi əlavə edib.