Bakıda içməli su 10 gündür ki boş yerə həyətlərin zirzəmisinə axır - İDDİA - FOTO/VİDEO

Paytaxtın Suraxanı rayonu Əmircan qəsəbəsində içməli su 10 gündür ki boş yerə həyətlərin zirzəmisinə axır.

Bu barədə iddia BAKU.WS-in "qaynar xətti"nə daxil olub.

Şikayətçinin sözlərinə görə, mart ayının 15-i qəsəbənin Qulu Quluyev kücəsi ev 41 ünvanında həyətin içərisindən keçən su xətti partlayıb. Hadisə ilə əlaqədar dəfələrlə "Azərsu" ASC-nin "qaynar xətt"inə müraciət olunsa da, problem öz həllini tapmayıb. İndi içməli su evlərin zirzəmisinə dolub:

"Mart ayının 18-i, səhər saat 11 radələrində "Azərsu" ASC-nin Suraxanı rayonu qəza briqadası hadisə yerinə yaxınlaşıb, "Biz bu məsələlərə baxmırıq", - deyərək gediblər. Briqada rəisi dedi ki, məsələni öz şəxsi hesabımıza həll edək. Artıq 10 gündür ki su evlərin zirzəmisinə dolub və qonşular suyu nasosla çıxarırlar".

Qalereya