Bakıda hoteldə ərəb qadın öldü

Bakıda hoteldə ölüm hadisəsi baş verib.

BAKU.WS “qafqazinfo”ya istinadən xəbər verir ki, Səbail rayonu, Şıxov qəsəbəsi Salyan şosesində yerləşən “Aysberg” hoteldə Qətər vətəndaşı, 1976-cı il təvəllüdlü Safya Jabir Braid dünyasını dəyişib.

Bildirilir ki, 46 yaşlı qadın iyunun 10-da ailəsi ilə birlikdə Qətərdən Bakıya turist kimi gəlibmiş. İlkin ehtimala görə, S.Braid xəstəlikdən vəfat edib.

Ölüm faktı ilə əlaqədar Səbail rayon Prokurorluğunda araşdırma aparılır.