Haqqımızda
Lökbatanda baş verən yanğın söndürülüb
Bakı şəhəri, Qaradağ rayonunda açıq ərazidə baş vermiş yanğın Fövqəladə Hallar Nazirliyinin yanğından mühafizə bölmələri tərəfindən söndürülüb.
Bu barədə Fövqəladə Hallar Nazirliyinin mətbuat xidmətindən BAKU.WS-ə bildirilib.
***20:03
Bakı şəhəri, Qaradağ rayonu, Lökbatan qəsəbəsi ərazisində açıq sahədə başlayan yanğın lokallaşdırılıb.
BAKU.WS xəbər verir ki, əraziyə çoxsaylı yanğınsöndürən texnika və canlı qüvvə cəlb edilib. Yanğının miqyası azalıb, alov ram edilib. İndi ərazidən sacədə tüstüləmə izlənilir.
***19:05
Bakı şəhəri, Qaradağ rayonu, Lökbatan qəsəbəsi ərazisində açıq sahədə başlayan yanğını hələ də söndürmək mümkün olmayıb.
Hadisə şahidlərinin BAKU.WS-in "qaynar xətti"nə bildirdiklərinə görə, alov daha da genişlənib. Hava küləkli olduğu üçün yanğının söndürülməsində çətinliklər yaranıb.
Ərazidə yanğınsöndürənlər çalışırlar.
***18:30
Bakıda güclü yanğın baş verib.
Bu barədə hadisə şahidləri BAKU.WS-in "qaynar xətti"nə məlumat veriblər.
Bildirilib ki, "Sədərək" istiqamətində açıq sahədə güclü yanğın baş verib. Hava küləkli olduğu üçün alov qısa müddətdə şiddətlənib. Həm də, yaxınlıqda yüksək gərginlikli elektrik xətləri və dəmiryolu xətti keçir. Bu səbəbdən də, ərazidə təhlükəli vəziyyət yaranıb.
Əraziyə Fövqəladə Hallar Nazirliyinin yanğınsöndürənləri cəlb olunub.
Hadisə ilə əlaqədar nazirliyin mətbuat xidmətindən BAKU.WS-ə bildirildi ki, Fövqəladə Hallar Nazirliyinin 112 nömrəli "qaynar xətti"nə Bakı şəhəri, Qaradağ rayonu, Lökbatan qəsəbəsi ərazisində açıq sahədə yanğın baş verməsi barədə məlumat daxil olub.
Dərhal nazirliyin Dövlət Yanğından Mühafizə Xidmətinin qüvvələri əraziyə cəlb olunub. Açıq ərazidə kol-kos olan ərazidə baş vermis yanğının söndürülməsi istiqamətində tədbirlər davam etdirilir.
Oxşar xəbərlər
Şəmkirdə qanlı cinayət - Ölən var
Oktyabrın 1-i saat 21 radələrində Şəmkir rayon Mahmudlu kənd sakini İ. Abbasovun kəsici-deşici alətlə qətlə yetirilməsi barədə Şəmkir Rayon Polis Şöbəsinə məlum...
