Bakıda dəhşət - Yük maşını fəhlənin üstündən keçdi

Bakıda fəhlə faciəvi şəkildə ölüb.

BAKU.WS APA-ya istinadən xəbər verir ki, hadisə paytaxtın Binəqədi rayonu, Binəqədi qəsəbəsi, 4-cü qapı küçəsində yerləşən metal qırıntılarının qəbulu məntəqəsində qeydə alınıb.

Həmin məntəqədə fəhlə işləyən, 1977-ci il təvəllüdlü Zaur Səlimov metal qırıntılarını yük maşınına yükləyən zaman 1973-cü il təvəllüdlü Eldar Nəcəfovun idarə etdiyi "KamAZ-55111" markalı yük avtomobilinin altında qalaraq ölüb.

Faktla bağlı Binəqədi rayon Prokurorluğunda Cinayət Məcəlləsinin 162.2-ci (əmək mühafizə qaydalarını pozma, zərərçəkənin ölümünə səbəb olma) maddəsi ilə cinayət işi başlanıb.