Bakıda bu qadın yeniyetmələri maşın şüşəsi silməyə məcbur edir - VİDEO

Paytaxt Bakının Səməd Vurğun küçəsi ilə Bakıxanov küçəsinin kəsişməsində günün müəyyən saatlarında dörd nəfər - iki oğlan, bir qız və bir qadın peyda olur.

Bu barədə BAKU.WS-in "qaynar xətt"inə məlumat daxil olub.

Görüntülərdən məlum olur ki, qeyd olunan ünvanda işıqforun uzun müddət qırmızı rəngdə dayanmasından istifadə edən oğlanlar və qız dərhal maşınlara yaxınlaşır və şüşələrini silməyə başlayırlar.

Əksərən sürücülər onlara bu işi görməyə icazə vermirlər. Bəziləri isə bir şey söyləmir və yekunda onlara pul verirlər.

Maşınlar hərəkətə başlayan kimi həmin yeniyetmələr qadına yaxınlaşaraq aldıqları pulları təhvil verirlər.