Bakıda "07" ilə "avtoşluq" edən sürücü həbs olundu - VİDEO

Avtoxuliqanlıq hərəkətləri edərək sosial şəbəkədə paylaşan şəxs həbs edilib.

BAKU.WS xəbər verir ki, bu barədə Baş Dövlət Yol Polisi İdarəsinin şöbə rəisi polkovnik-leytenant Rövşən Tağıyev məlumat yayıb.

O, bildirib ki, Bakı şəhər sakini Şəmsi Vəliyev idarə etdiyi “VAZ 21074” markalı avtomobillə Xətai rayonu ərazisində hərəkətdə olarkən ictimai qaydanı nümayişkaranə şəkildə pozaraq digər hərəkət iştirakçıları üçün qəza şəraiti yaratmaqla avtoxuliqanlıq əməli törətdiyi və bu növ videoları sosial şəbəkələrdə paylaşaraq insanların haqlı narazılığına səbəb olduğu üçün Xətai rayon DYP əməkdaşları tərəfindən saxlanılıb və müvafiq sənədləşdirmə aparılaraq toplanmış materiallar baxılması üçün məhkəməyə göndərilib.

Məhkəmənin qərarı ilə Ş.Vəliyevin sürücülük hüququ məhdudlaşdırılmaqla o, inzibati qaydada həbs edilib.