Bakıda evakuatorla avtomobil "oğurluğu" (VİDEO)

Paytaxtda yanlış parkinq edilmiş avtomobillərin müəyyənləşdirilməsi ilə bağlı reydlər aparılır.

BAKU.WS-in məlumatına görə, təəssüf ki, bəzi hallarda nəqliyyat vasitələrinin qanunsuz olaraq evakuasiya edirlər. Çox zaman bu hadisə oğurluq hadisəsini xatırladır. 

Redaksiyamıza göndərilmiş videoçarxda da anoloji hadisənin görüntüləri əks olunub. Feyzulla Qasımzadə küçəsində parkinq edilmiş "Mitsubishi Pajero" qanun keşikçilərinin növbəti hədəfi olub. Sözügedən ərazi Nəsimi rayonu yol polisi idarəsinin yaxınlığında yerləşir. 

Səkidə dayanan avtomobili aparmaq istəyən evakuator iki dəqiqə ərzində "Mitsubishi Pajero"nu yerindən götürərək aparmağa müvəffəq olub. Avtomobilin sahibi gəlib çatana qədər evakuator çoxdan ərazini tərk edərək həmin küçədən uzaqlaşa bilib. 

Fəxri Manafov

BAKU.WS