Azərbaycanlı və erməni idmançılar arasında kütləvi dava ilə bağlı rəsmi qərar (VİDEO)

Ukraynada kunq fu və uşu üzrə keçirilən Avropa Çempionatında baş verən qalmaqaldan sonra Azərbaycan yığması cəzalandırılıb. 

BAKU.WS-in məlumatına görə, azərbaycanlı və erməni idmançıların döyüşü zamanı Dağlıq Qarabağda qurulan separatçı rejimin "bayrağı”nın arenaya gətirilməsi kütləvi davaya səbəb olub.

Rinqdəki idmançılar və onların məşqçiləri, eləcə də döyüşü izləyənlər arasında kütləvi dava düşüb. Bu hadisədən sonra yarış təşkilatçıları Azərbaycan yığmasını nizam intizam qaydalarını pozduğu üçün diskvalifikasiya edib.

Maraqlısı ondadır ki, təşkilatçılar beynəlxalq normaları kobud şəkildə pozan ermənilərə heç bir cəza verməyib. Qarabağ seperatçılarının bayrağını Avropa Çempionatı kimi bir nüfuzlu turnirdə dalğalandırmağa imkan yaradılması Azərbaycana qarşı ikili standartları bir daha gös önünə sərdi.

BAKU.WS