Azərbaycanın Ukraynadakı keçmiş səfiri axtarışa verildi

Azərbaycanın Ukraynadakı keçmiş səfiri Tələt Əliyev axtarışa verilib.

BAKU.WS "Report"a istinadən xəbər verir ki, 79 yaşlı diplomat Cinayət Məcəlləsinin 179-cu maddəsi (mənimsəmə və ya israf etmə) üzrə təqsirləndirilir.

Qeyd edək ki, Tələt Müseyib oğlu Əliyev 1942-ci ildə Naxçıvan şəhərində anadan olub. O, 2001-2010-cu illərdə Azərbaycanın Ukraynadakı səfiri vəzifəsində çalışıb. T.Əliyev eyni zamanda 2002-2006-cı illərdə Azərbaycanın Belarus və Moldovada da səfiri işləyib.