Azərbaycanda yenicə ailə qurmuş qadın özünü öldürmək istədi

Qaxda yenicə ailə quran qadın özünü zəhərləyib.

BAKU.WS “qafqazinfo”ya istinadən xəbər verir ki, hadisə rayonun Turaclı kəndində baş verib.

1996-cı il təvəllüdlü kənd sakini Orucova Əfsanə Rüfət qızı “Net” təmizləyici vasitəsini içib.

O, dərhal yaxınları tərəfindən Qax Rayon Mərkəzi Xəstəxanasına aparılıb. Tibb müəssisəsində Ə.Orucovaya yardım göstərilib.

Hazırda vəziyyətinin ağır olduğu bildirilir.

Ə.Orucovanın həmin yuyucu vasitəni hansı səbəbdən içdiyi hələlik məlum deyil.

Qeyd edək ki, Ə.Orucova 2-3 ay əvvəl ailə həyatı qurub.