Şirin pambıqdan zəhərləndiyi ehtimal olunan şagirdlərin vəziyyəti AÇIQLANDI

Bu gün saat 11:20 radələrində 2016-cı il təvəllüdlü 2 azyaşlı zəhərlənmə şübhəsi ilə Goranboy Rayon Mərkəzi Xəstəxanasına hospitalizasiya olunub. 

BAKU.WS xəbər verir ki, bu barədə TƏBİB-dən bildirilib.

Qeyd olunub ki, onlara dəqiqləşdirilməmiş dispepsiya diaqnozu təyin edilib. Pasiyentlərə zəruri tibbi yardım göstərildikdən sonra ambulator müalicə üçün evə buraxılıb.

***12:36

Goranboyda məktəblilər şirin pambıqdan zəhərlənib

BAKU.WS report-a istinadən xəbər verir ki, rayonun Səfikürd kəndinin sakinləri - Səfikürd kənd tam orta məktəbinin üçüncü sinif şagirdləri, 2016-ci il təvəllüdlü Nənəxanım Fəxri qızı Kərimova və 2016-cı il təvəllüdlü Sürəddin Elməddin oğlu Əliyev şirin pambıq yeyiblər.

Onların bir müddət sonra halı pisləşib və zəhərlənmə şübhəsi ilə Goranboy Rayon Mərkəzi Xəstəxanasına yerləşdiriliblər, vəziyyətləri normaldır.

Faktla bağlı araşdırma aparılır.