Avtomobilin vurduğu qadın xəstəxanada ölüb

Sumqayıt şəhərində ölümlə nəticələnən yol-nəqliyyat hadisəsi olub.

BAKU.WS “report”a istinadən xəbər verir ki, hadisə dekabrın 5-i saat 06 radələrində şəhərin Məhəmməd Əsədov küçəsində qeydə alınıb.

Belə ki, Afiq Cəfərovun idarə etdiyi “Opel Astra” markalı avtomobil hərəkətdə olan zaman 1951-ci il təvəllüdlü piyada Tənzif Məmmədovanı vurub. Yaralı Sumqayıt Şəhər Təcili Tibbi Yardım Xəstəxanasına yerləşdirilib. Həkimlərin səyinə baxmayaraq, qadın orada ölüb.

Faktla bağlı Sumqayıt Şəhər Polis İdarəsində Cinayət Məcəlləsinin 263.3-cü (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanılıb.