Astarada dənizdə boğulan şəxs 5 UŞAQ ATASIDIR - Axtarışı davam etdirilir

Xəzər dənizinin Astara şəhər ərazisində, nəzarət olunmayan hissədə boğulma hadisəsi baş verib. Hadisə ilə bağlı bəzi detallar məlum olub.

BAKU.WS APA-ya istinadən xəbər verir ki, Masallı rayonunun Kosagül kənd sakini olan 1990-cı il təvəllüdlü Elmar Bəybala oğlu Məmmədli yaxın qohumları ilə çimmək üçün dənizə gəlibmiş.

Qeyd edək ki, Elmar Məmmədli ailəlidir və 5 uşaq atasıdır.

***10:45

Astara rayonunda ən yaxın sularda xilasetmə məntəqəsindən bir km aralı dənizdə nəzarətsiz ərazidə batan bir nəfərin şəxsiyyəti müəyyənləşib.

BAKU.WS xəbər verir ki, bu barədə Fövqəladə Hallar Nazirliyi (FHN) məlumat yayıb.

Bildirilib ki, hazırda vətəndaş - 1990-cı il təvəllüdlü Elman Beybala oğlu Məmmədovun batdığı ehtimal edilən istiqamətlərdə axtarışlar həyata keçirilir.