Ağstafada 30 yaşlı qadın faciəli şəkildə öldü

Ağstafa rayonunda ölümlə nəticələnən yol-nəqliyyat hadisəsi baş verib.

BAKU.WS Oxu.Az-a istinadən xəbər verir ki, hadisə Ağstafa-Köçəsgər magistral yolunun 23-cü kilometrliyində qeydə alınıb.

1969-cu il təvəllüdlü Murtuz Qara oğlu Abbasov idarə etdiyi "KİA Sorento" avtomobili ilə üzü Ağstafa rayonu istiqamətində hərəkətdə olarkən piyada, 1995-ci il təvəllüdlü Rüfanə Ələsgər qızı Tağıyevanı vurub. Piyada aldığı xəsarətlərdən hadisə yerində ölüb.

Faktla bağlı cinayət işi başlanıb.