Ağcabədidə iki VAZ toqquşdu - Xəsarət alanlar var

Ağcabədi rayonunda yol-nəqliyyat hadisəsi baş verib.

BAKU.WS Oxu.Az-a istinadən xəbər verir ki, hadisə ötən gecə saat bir radələrində şəhər ərazisində qeydə alınıb.

Rayon sakini Elvin Əliyevin idarə etdiyi VAZ-21011 və Cavid Əfqanlının idarə etdiyi VAZ-2106 markalı avtomobillər toqquşublar.

Hadisə nəticəsində sürücülər və VAZ-2106-da olan üç yaşlı oğlan ağır xəsarətlər alıblar.

Yaralılar Ağcabədi Rayon Mərkəzi Xəstəxanasına hospitalizasiya olunublar.

Faktla bağlı araşdırma aparılır.