ABŞ-da ağır yol qəzası olub, ölən və yaralananlar var

ABŞ-ın Ohayo ştatında məktəbliləri daşıyan avtobusla yük maşınının toqquşması nəticəsində 3 nəfər ölüb, 15 nəfər yaralanıb.

“Report” xəbər verir ki, bu barədə “Associated Press” ABŞ-ın Fövqəladə Hallar Xidmətinə istinadən məlumat yayıb.

Agentliyin məlumatına görə, avtobusda ümumilikdə 57 nəfər olub. Qəza yerli vaxtla saat 9:00 radələrində baş verib.

Qeyd olunub ki, yük maşını qarşısında gedən məktəb avtobusuna çırpılıb. Toqquşmanın səbəbi hələlik məlum deyil.