Abşeronda evlərdən 12 min manatlıq oğurluq etməkdə şübhəli bilinən şəxs saxlanılıb

Xırdalan şəhəri ərazisində evlərin birindən 6 top elektrik naqilinin oğurlanması barədə polisə məlumat daxil olub.

Bu barədə BAKU.WS-ə Daxili İşlər Nazirliyinin mətbuat xidmətindən məlumat verilib.

Bildirilib ki, Abşeron Rayon Polis İdarəsi əməkdaşlarının keçirdikləri tədbirlərlə əməli törətməkdə şübhəli bilinən A. Cəfərov müəyyən olunaraq saxlanılıb.

Araşdırmalarla saxlanılan şəxsin dekabr ayı ərzində rayon ərazisində bir neçə evdən və həyatyanı sahələrdən ümumilikdə 12150 manat dəyərində naqil, su mühərriki, inşaat materialları və təmir alətləri oğurlaması da müəyyən olunub.