Bakıda usta 8 yaşlı uşağı döyərək ayağını sındırdı

Bakıda uşaq döyülərək ağır xəsarət alıb.

BAKU.WS “Report”a istinadla xəbər verir ki, hadisə paytaxtın Yasamal rayonu ərazisində qeydə alınıb.

Belə ki, Abbas Mirzə Şərifzadə küçəsində yaşayan 2012-ci il təvəllüdlü Hüseynov Musa Samir oğlu yaşadığı evin yaxınlığında yerləşən avtomobil təmiri sexinə daxil olub.

Uşağın valideynləri bildirib ki, məlum olmayan səbəbdən orada usta işləyən şəxs 8 yaşlı uşağı döyüb.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı onda sol qamış sümüyünün sınığı aşkarlanıb və uşaq dərhal həkim nəzarətinə götürülüb.

Faktla bağlı araşdırma aparılır.