54 yaşlı kişi avtobusda öldü

Sumqayıtda marşrut avtobusunda ölüm hadisəsi baş verib.

BAKU.WS qafqazinfo-ya istinadən xəbər verir ki, şəhərin 34-cü məhəllə adlanan hissəsində hərəkət edən 15 saylı marşrut xətti üzrə "İsuzu Ecobus" markalı avtobusda sərnişin qismində olan orta yaşlı kişinin halı qəfil pisləşib.

O, əyləşdiyi oturacaqda dünyasını dəyişib.

Vəfat edən şəxsin 1971-ci il təvəllüdlü Rövşən Bəxtiyar oğlu Əkbərov olması müəyyənləşib.

Faktla bağlı araşdırma aparılır.