DİN Bakıdakı silahlı insidentlə bağlı rəsmi məlumat yaydı
![DİN Bakıdakı silahlı insidentlə bağlı rəsmi məlumat yaydı](https://baku.ws/storage/photos/thumbs/large/1485244932_20131202_223958_zps8ae4404d.webp)
Daxili İşlər Nazirliyi Bakıda baş verən silahlı insidentlə bağlı məlumat yayıb.
BAKU.WS-in xəbərinə görə, nazirliyin saytında yerləşdirilən məlumatda bildirilir ki, Sabunçu rayonunun Sabunçu qəsəbəsində Seymur adlı şəxs xuliqanlıq zəminində Biləsuvar rayon sakini Eldəniz Eyvazovu döyüb və pnevmatik tapançadan açdığı atəşlə baş nahiyəsinə xəsarət yetirib. E. Eyvazova xəstəxanada ilkin tibbi yardım göstərildikdən sonra buraxılıb.
Sabunçu Rayon Polis İdarəsinin 12-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən qəsəbə sakini Seymur Sahəliyev tutulub.
Ondan hadisəni törədərkən istifadə etdiyi "MP 654 K" markalı pnevmatik tapança götürülüb.
BAKU.WS
Oxşar xəbərlər
Bakıda avtomobil atəşə tutuldu
Bakıda silahlı insident olub. Sabunçu Rayon Polis İdarəsindən APA-ya verilən məlumata görə, hadisə gecə saatlarında Sabunçu qəsəbəsi İlyas Aslanov küçəsində qe...