Astarada ağaclara tor qurmaqla qanunsuz ov edən şəxslər aşkarlanıb - FOTO
![Astarada ağaclara tor qurmaqla qanunsuz ov edən şəxslər aşkarlanıb - FOTO](https://baku.ws/storage/photos/thumbs/large/1700386520_6559d62e3ed706559d62e3ed7117003863506559d62e3ed6e6559d62e3ed6f.webp)
Astarada ağaclara tor qurmaqla qanunsuz ov edən şəxslər aşkarlanıb.
DİN-in Mətbuat Xidmətinin Lənkəran regional qrupundan verilən məlumata görə, Astara Rayon Polis Şöbəsinin əməkdaşlarının qanunsuz ovun, mülki silahın daşınması qaydalarının pozulması hallarının qarşısının alınması məqsədilə keçirdikləri növbəti tədbirlər nəticəsində rayonun Rüdəkənar kəndi ərazisində 4 nəfər rayon sakini A.Həsənov, E. Kazımov, K. Rzayev və C. Kazımovun qanunsuz ov etdikləri aşkarlanıb.
Onlardan müvafiq sənədləri olmayan 2 ədəd ov tüfəngi, çöl quşlarını havada ovlamaq üçün quraşdırılmış sintetik torlar, ov zamanı istifadə olunan digər alətlər və qanunsuz olaraq ovlanan çöl quşları aşkarlanıb.
Bundan əlavə, şöbə əməkdaşlarının rayon ərazisində qanunsuz saxlanılan silah-sursatla bağlı keçirdikləri əməliyyat tədbirləri nəticəsində 20 nəfər rayon sakininindən qanunsuz olaraq saxladıqları ov silahları aşkarlanaraq götürülüb.
Faktlar üzrə Astara RPŞ-də araşdırma aparılır.
Qalereya
Oxşar xəbərlər
Masallıda qanunsuz ov edən şəxslər saxlanılıb
Masallıda qanunsuz ov edən şəxslər saxlanılıb. Daxili İşlər Nazirliyi Mətbuat Xidmətinin Lənkəran regional qrupundan BAKU.WS-ə verilən məlumata görə, Masallı Ra...