Qaydaları pozan sürücülər cəzalandırıldı - FOTO
![Qaydaları pozan sürücülər cəzalandırıldı - FOTO](https://baku.ws/storage/photos/thumbs/large/1699332711_18c840d0-f8bf-3cfe-9810-cc22010fac07_850.webp)
Zaqatala Rayon Polis Şöbəsinin Dövlət Yol Polisi Bölməsinin əməkdaşları tərəfindən kobud qayda pozuntuları törədən, digər hərəkət iştirakçıları üçün təhlükə yaradan sürücülərin müəyyən edilərək barələrində qanunamüvafiq tədbirlərin görülməsi məqsədilə profilaktiki tədbirlər keçirilib.
Daxili İşlər Nazirliyinin mətbuat xidmətinin Şəki regional qrupundan verilən məlumata görə, yol hərəkəti təhlükəsizliyinin təmin edilməsi məqsədi ilə polis əməkdaşları tərəfindən həyata keçirilən tədbirlər nəticəsində avtomobillərində konstruksiya dəyişikliyinə yol verən, sürücülük hüququ olmadan, sərxoş vəziyyətdə sükan arxasına əyləşən, dövlət qeydiyyat nişanı yerində olmayan,nəqliyyat vasitələrinə kustar üsulla hazırlanmış pərdələr quraşdıran, təhlükəsizlik kəmərindən istifadə etməyən, avtoxuliqanlıq edən və digər qayda pozuntuları törədən intizamsız sürücülər aşkar olunub.
Onların avtomobilləri müvəqqəti duracağa yerləşdirilib və barələrində qanunvericiliyə uyğun müvafiq tədbirlər görülüb.
Baş verə biləcək yol-nəqliyyat hadisələrinin qarşısının alınması və sürücülərin maarifləndirilməsi məqsədilə yol polisi əməkdaşları tərəfindən profilaktiki tədbirlər davam etdiriləcək.
Qalereya
Oxşar xəbərlər
Balakəndə REYD: Sərxoş və narkotikin təsiri altında maşın idarə edən sürücülər saxlandı- FOTO
Balakəndə sərxoş vəziyyətdə və narkotikin təsiri altında avtomobil idarə edən 80 sürücü müəyyən edilib. DİN-in mətbuat xidmətinin Şəki regional qrupundan verilə...