Tovuzda qaçırılan 15 yaşlı qız ailəsinə təhvil verilib - YENİLƏNİB
![Tovuzda qaçırılan 15 yaşlı qız ailəsinə təhvil verilib - YENİLƏNİB](https://baku.ws/storage/photos/thumbs/large/1668414415_4fa8f6ee-b5d5-4987-ac0d-2b3fd969610c-960x540.webp)
Tovuzda qaçırılan 15 yaşlı qız ailəsinə təhvil verilib.
BAKU.WS xəbər verir ki, bu barədə report-a Daxili İşlər Nazirliyinin Mətbuat Xidmətinin Gəncə regional qrupunun baş inspektoru Eşqin Qasımov deyib.
O bildirib ki, noyabr ayının 11-də 15 yaşlı qızın qaçırılması barədə Tovuz rayon Polis Şöbəsinə müraciət daxil olub. Dərhal polis əməkdaşları tərəfindən təxirəsalınmaz tədbirlər həyata keçirib və müəyyən edilib ki, Şəmkir rayon Kür qəsəbə sakini, 2007-ci il təvəllüdlü A.Qasımova (ad soyad şərtidir) Tovuz rayon sakini, 1994-cü il təvəllüdlü E.Mehdiyev ilə görüşüb, könüllü şəkildə qaçıblar.
Polis əməkdaşları onların yerini müəyyən edərək gənc qızın valideynlərinə təhvil verib.
Faktla bağlı Tovuz Rayon Polis Şöbəsində araşdırmalar davam etdirlir.
***12:32
Tovuz sakini nəvəsinin oğurlanması ilə bağlı polisə müraciət edib.
BAKU.WS kriminalqafqaz-a istinadən xəbər verir ki, rayonun Qovlar şəhər sakini, 1958-ci il təvəllüdlü A.H. rayon polis şöbəsinə ərizə ilə müraciət edərək nəvəsi, 2007-ci il təvəllüdlü Gülşənin (şərti) qaçırıldığını bildirib.
O əlavə edib ki, hadisə noyabrın 11-də gecə saat 1 radələrində baş verib.
Şikayətçi nəvəsinin evlənmək məqsədilə qaçırıla biləcəyini qeyd edib.
Müraciətlə bağlı araşdırma aparılır.
Oxşar xəbərlər
DİN Qazaxda 17 yaşlı qızın qaçırılması ilə bağlı açıqlama verib - YENİLƏNDİ
Daxili İşlər Nazirliyi (DİN) Qazaxda 17 yaşlı qızın qaçırılması ilə bağlı açıqlama verib. BAKU.WS-in sorğusuna cavab olaraq Daxili İşlər Nazirliyinin Mətbuat Xi...