13,99%-dən ZAMİNSİZ, KOMİSSİYASIZ NAĞD KREDİT

Sosial şəbəkələrdə narkotik vasitələrdən istifadəni təbliğ edən videolar yayan daha bir şəxs müəyən olunub.

Bu barədə BAKU.WS-ə Daxili İşlər Nazirliyinin (DİN) Mətbuat Xidmətindən məlumat verilib.

Belə ki, sosial şəbəkələrdə İlkin Çərkəzoğlu adı ilə narkotik maddələri təbliğ edən musiqili videolar yayan İlkin Hüseyli saxlanılaraq polis idarəsinə gətirilib. Onunla profilaktik söhbət aparılıb. İ.Hüseynli etdiyi səhvi səmimi etiraf edib və o, narkotik maddələri təbliğ etdiyi videoları könüllü olaraq sosial şəbəkələrdən silib.

Əlavə olaraq onun üzərinə baxış zamanı şəxsi istifadəsi üşün əldə etdiyi narkotik maddə olan marixuana da aşkar olunduğundan İ.Hüseynli barəsində inzibati tənbeh tədbiri görülüb.

O, məhkəmənin qərarı ilə məcburi müalicə üçün Narkoloji Dispanserə yerləşdirilib, araşdırmalar davam etdirilir.

BAKU.WS