149 saylı avtobusun sürücüsü sərnişini təhqir etdiyi üçün işdən azad edildi

"BakuBus" MMC 149 saylı marşurut xəttində yaşananlara reaksiya verib.

Bu barədə BAKU.WS-ə danışan qurumun İctimaiyyətlə Əlaqələr Şöbəsinin müdiri Əsmər Əliyeva bildirib ki, hadisə ötən gün yaşanıb və sürücünün işdən azad edilməsi barədə qərar qəbul edilib:

"Ötən gün, saat 21:30 radələrində, "BakuBus" MMC-ninistismarında olan 149 nömrəli müntəzəm marşrut xəttindəsürücü ilə sərnişin arasında insident baş verib.

Hadisə ilə bağlı aparılan araşdırma zamanı video müşahidə görüntülərindən müəyyən olunmuşdur ki, Sürücü Rəcəbov Xəyalət Azad oğlu tərəfindən qaydalar kobud şəkildə pozulmuşdur.

Bu səbəbdən, əmək qanunvericiliyinə uyğun olaraq sürücünün işdən azad edilməsi barədə qərar qəbul edilib,

Baş vermiş hadisəyə görə sərnişinlərdən üzr istəyir və bu kimi halların təkrarlan maması üçün bütün zəruri addımların atılacağına sizi əmin etmək istərdik".

*** 12:57

Paytaxtda fəaliyyət göstərən avtobuslardan birində xoşagəlməz hal yaşanıb.

BAKU.WS xəbər verir ki, sürücü sərnişini söyüb və təhqir edib. Hadisə 149 saylı avtobusda yaşanıb.

Bu barədə sosial şəbəkələrdə görüntülər yayılıb.

İddialara görə, sürücü həmin vaxt içkili olub.

Sözügedən görüntülər bir çox sosial platformalarda yayılaraq qınağa səbəb olub.

Həmin videonu təqdim edirik: