Biləsuvarda aptek və mağazalardan oğurluq edən keçmiş məhkum saxlanılıb.

Bu barədə DİN Mətbuat Xidmətindən BAKU.WS-ə məlumat verilib.

Məlumatda bildirilib ki, Biləsuvar Rayon Polis Şöbəsinin (RPŞ) əməkdaşlarının keçirdikləri əməliyyat-axtarış tədbirləri nəticəsində ayrı-ayrı vaxtlarda rayon ərazisindəki 2 aptek və mağazadan oğurluq etməkdə şübhəli bilinən şəxs müəyyən edilərək saxlanılıb.

Araşdırmalarla onun Cəilabad rayon sakini, əvvəllər məhkum olunmuş Elməddin Kərimov olduğu müəyyən edilib.

Həmin şəxsin daxil olduğu obyektlərdəki kassalardan ümumilikdə 4 437 manat nağd pul oğurladığı məlum olub. Saxlanılan şəxsin ətrafında aparılan əlavə əməliyyat-axtarış tədbirləri ilə onun Cəlilabad rayonu ərazisində yerləşən bir aptekdən də gecə saatlarında 220 manat pul oğurladığı müəyyən edilib.

Biləsuvar RPŞ-nin əməkdaşlarının keçirdikləri digər əməliyyat-axtarış tədbirləri ilə yük avtomobillərinin akkumlyatorlarını oğurlamaqda şübhəli bilinən rayon sakinləri M.Nağıyev, N.Əliyev və S.Əzimzadə saxlanılıblar. Onların iki ədəd yük maşınından 600 manat dəyərində olan dörd ədəd akkumulyator oğurladıqları müəyyən edilib.

Faktlarla bağlı araşdırma aparılır.

BAKU.WS