055 213 76 73
Zaqatalada 36 yaşlı kişinin qolu bədbəxt hadisə nəticəsində amputasiya edilib.
BAKU.WS APA-ya istinadən xəbər verir ki, hadisə rayonun Paşan kənd ərazisində baş verib.
Kənd sakini, 1985-ci il təvəllüdlü Şərif Məhəmməd oğlu Şabanov traktora qoşulan ot doğrayan aqreqatla ot xırdalayan zaman ehtiyatsızlıqdan onun sağ qolu qurğunun dəmir çarxları arasında qalıb.
Ş.Şabanovun sağ qolu dirsək nahiyəsindən ağır xəsarət alıb. Yaxınlarının köməkliyi ilə Zaqatala Rayon Mərkəzi Xəstəxanasına aparılan Ş.Şabanovun sağ qolu dirsək nahiyədən amputasiya edilib.
Faktla bağlı araşdırma aparılır.
BAKU.WS