Bakıda güllə səsləri eşidildi: ölən var (FOTO)
![Bakıda güllə səsləri eşidildi: ölən var (FOTO)](https://baku.ws/storage/photos/thumbs/large/1440739709_396618.webp)
Bu gecə saat 3 radələrində Bakının Nizami rayonu ərazisində dəhşətli qətl hadisəsi baş verib. BAKU.WS-in aznews.az-a istinadən verdiyi məlumata görə, qara rəngli 10 VM 006 nömrə nişanlı "Lexus” markalı maşını idarə edən şəxs markası hələlik bilinməyən maşının (nömrəsi -333) sürücüsünü güllələyib. 8 güllə yarası alan şəxs keçinib. Güllə səslərinə gələn Post Patrul Xidmətinin əməkdaşları hadisə yerindən qaçmağa başlayan sürücünü təqib etməyə başlayıblar. O, Sabunçu ərazisində idarəetməni itirərək, "Chevrolet” markalı maşına çırpılıb və avtomobilini aşırıb. Əldə etdiyimiz məlumata görə, "Lexus”un sürücüsü ağır yaralandığı üçün 1 saylı Kiliniki Tibbi Mərkəzə (Semaşka) yerləşdirlib. Xəstəxanadan bildirilib ki, sürücünün vəziyyəti ağırdır. Cinayət törədən şəxsin polis işçisi olduğu deyilir. Baş Prokurorluğun mətbuat xidmətinin rəhbəri Eldar Sultanov faktı təsdiqləyib. O, baş vermiş hadisə ilə bağlı Nizami Rayon Prokurorluğunda cinayət işinin başlandığını, eyni zamanda iş üzrə müvafiq ekspertiziyaların təyin edildiyini bildirib. Onun sözlərinə görə, İbrahimov Nadir idarə etdiyi "Lexus” markalı 90 SF 333 dövlət qeydiyyatlı nömrə nişanlı maşınla qara rəngli 10 VM 006 nömrə nişanlı "Lexus” markalı maşını idarə edən Həsənov Rövşənlə Nizami Rayonunda görüşüb. Bu zaman Rövşən Həsənov üstündə gəzdirdiyi "Makarov” markalı tapancadan İbrahimov Nadirə 8 güllə atıb. İbrahimov Nadir 1 saylı Kiliniki Tibbi Mərkəzə (Semaşka) çatdırılsa da dünyasını dəyişib. Hadisə ilə əlaqədar Qafqazinfonun əldə etdiyi məlumata görə, bu gecə baş verən atışmada qeyd olunan avtomobillər- 10 VM 006 nömrə nişanlı "Lexus” Həsənov Rövşən Qalib oğluna, 90 SF 333 dövlət qeydiyyatlı "Lexus” isə Hacıyev Əli Telman oğluna məxsusdur.
Ziya Səccad BAKU.WS
![](https://baku.ws/storage/photos/thumbs/aspect/1440739646_28276.webp)
![](https://baku.ws/storage/photos/thumbs/aspect/1440739696_944915.webp)
Oxşar xəbərlər
Türkiyədə Azərbaycan avtomobili qəzaya düşdü (FOTO)
Türkiyədə Azərbaycan dövlət nömrə nişanlı avtomobil qəzaya uğrayıb. BAKU.WS-in məlumatına görə, hadisə Çorumun Osmancık bölgəsində baş verib. Avtomobilin sürü...