VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Buraxılış imtahanından əvvəl şagirdlərin koronavirus testindən keçməsi məsələsi gündəmdə deyil".

BAKU.WS APA-ya istinadən xəbər verir ki, Dövlət İmtahan Mərkəzinin mətbuat xidmətinin rəhbəri Xanlar Xanlarzadənin sözlərinə görə, şagirdlər imtahana buraxılan zaman onların sadəcə temperaturu yoxlanılacaq:

"Temperaturu olsa belə, həmin şagirdin imtahana buraxılıb-buraxılmaması məsələsini imtahan binalarındakı təcili tibbi yardımın əməkdaşları yoxlayacaqlar. Sağlamlıq haqqında bəyannaməyə təkcə koronavirus daxildir. Amma bizim ümumi qaydamız budur ki, şagirddə hər hansı infeksion xəstəlik (suçiçəyi, qızılca və s.) varsa, imtahana gəlməməlidir”.

X.Xanlarzadə qeyd edib ki, üzrlü səbəbdən buraxılış imtahanında iştirak edə bilməyən şagirdlərin yekun attestasiyası sentyabrda aparılacaq: “Burada tək koronavirusdan yox, ümumilikdə hər hansı üzrlü səbəbdən iştirak edə bilməməkdən söhbət gedir. Ötən illərdə qəbul imtahanları iki dəfə keçirildi. Bu il isə koronavirus səbəbindən ali məktəblərə və orta ixtisas müəssisələrinə qəbul imtahanı bir dəfə keçiriləcəyi üçün həmin şagirdlər imtahan vermək hüququnu itirirlər”.

BAKU.WS