İsrail-HƏMAS qarşıdurmasının qızıl bazarına gözlənilməz təsiri - 7 ayın rekordu

Dünyanın diqqətinin Qüdsə yönəldiyi bir vaxtda, investorlar da həyəcan təbili çalır. Ötən həftə sonu başlayan İsrail-Həmas qarşıdurmalarının təsiri ilə qızılın qiyməti son yeddi ayın ən aşağı səviyyəsindən 7 ayın ən böyük həftəlik yüksəlişinə doğru gedir.

BAKU.WS xarici mətbuata istinadən xəbər verir ki, sentyabr ayında ABŞ-da həm illik, həm də aylıq inflyasiya dərəcələri gözləniləndən daha çox artaraq FED-in faiz dərəcələrini daha uzun müddət yüksək saxlayacağına dair fikirləri gücləndirib.

ABŞ inflyasiya məlumatlarından əvvəl 1,885 dolların üzərində sınaqdan keçən qızılın unsiyası, məlumatlardan sonra 1,870 dollarda müqavimət qazanıb.

"Təhlükəli zonadan çıxmaq üçün qızıl bazarı 1885 dollardan yuxarı bağlanmalıdır", - "Saxo Bank" bildirib.

"Saxo Bank"ın əmtəə strategiyasının rəhbəri Ole Hansen özünün son qızıl hesabatında bildirib ki, “qızıl öz dəyərinin yalnız 4,5%-ni itirib, bu, bizim fikrimizcə qənaətbəxş bir performansdır, xüsusən də bu müddət ərzində istiqrazların gəlirliliyi artıb”.