Qızılın qiyməti yeni rekord vurdu

Nyu-York Ticarət Birjasının "Comex" bölməsində aprel fyuçersləri üzrə qızılın qiyməti tarixi maksimumunu yeniləyərək 1 troy unsiyası üçün 2 950 dollar həddini keçib.

BAKU.WS xəbər verir ki, ticarət platformalarının verdiyi son göstəricilər qızılın dəyərində əhəmiyyətli artım olduğunu təsdiqləyir.

Bu gün səhər saatlarında qızılın qiyməti 1,60% yüksələrək 2 950,3 dollar olub. Daha sonra artım davam edərək bir unsiya üçün 2 953,8 dollara (+1,72%) çatıb.

Qeyd edək ki, qızılın dəyərinin yaxın günlərdə necə dəyişəcəyi isə bazarın dinamikasından asılı olacaq.