Qızıl və gümüşün qiyməti açıqlanıb

Dünya bazarında qiymətli metalların qiymətində dəyişkənlik davam edir.

BAKU.WS xəbər verir ki, son bazar göstəricilərinə əsasən, bir unsiya qızılın qiyməti təxminən 4 403 dollar, gümüşün qiyməti isə 66,21 dollar təşkil edir.

Qızılın qiymətinə ABŞ Federal Ehtiyat Sisteminin faiz siyasəti ilə bağlı gözləntilər və Yaxın Şərqdə artan geosiyasi gərginlik təsir göstərir. İnvestorlar ABŞ-də açıqlanacaq inflyasiya göstəricilərini də diqqətlə izləyirlər.

Qeyd edək ki, bunlar beynəlxalq spot bazar qiymətləridir. Azərbaycanda zinət əşyalarının satış qiyməti əyar, işçilik və mağaza əlavələrinə görə fərqlənə bilər.