Nizami Gəncəvi Beynəlxalq Mərkəzinin həmsədri ÜST-ün gücləndirilməsinə çağırıb

Nizami Gəncəvi Beynəlxalq Mərkəzinin həmsədri İsmayıl Seragəldin Ümumdünya Səhiyyə Təşkilatının (ÜST) gücləndirilməsinə çağırıb.

BAKU.WS xəbər verir ki, o, bu barədə XII Qlobal Bakı Forumunun panel müzakirəsində bildirib.

"Əgər ÜST olmasaydı, biz buna bənzər bir şey icad etməli olardıq. Bizə bütün dünyada baş verənləri əks etdirən və izləyən, hər kəsi baş verənlər barədə məlumatlandıran mərkəzi qlobal platforma lazımdır. Bu, təkcə keçmişdə baş vermiş pandemiyaların qarşısını almağa deyil, həm də qarşılıqlı mübadilə təşkil etməyə imkan verəcək", - İ.Seragəldin qeyd edib.

Onun sözlərinə görə, ÜST-ün səmərəli fəaliyyəti üçün təşkilata səhiyyə və cəmiyyət də daxil olmaqla müxtəlif sahələrdə çağırışlara operativ reaksiya verməyə imkan verəcək fond yaratmaq lazımdır.