Nazirlik: Ermənistanda pensiyaların Gürcüstan və Azərbaycandan yüksək olması barədə fikir reallıqdan uzaqdır

Ermənistan Mərkəzi Bankının rəhbərinin Ermənistanda pensiyaların səviyyəsinin Gürcüstan və Azərbaycandan yüksək olması barədə səsləndirdiyi fikir reallıqdan uzaq olmaqla, bütün sahələrdə dərin böhran içində olan Ermənistanda getdikcə daha da pisləşən sosial vəziyyət barədə heç bir əsas olmadan müsbət rəy yaratmağa yönələn mənasız cəhddən başqa bir şey deyil.Bunu Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Elman Babayev BAKU.WS-ə açıqlamasında deyib.E.Babayev bildirib ki, bunu aydın şəkildə görmək üçün Moskvada yerləşən Beynəlxalq Pensiya və Sosial Fondlar Assosiasiyasının MDB ölkələri üzrə 2017-ci ilə dair pensiyaların orta aylıq məbləği ilə bağlı açıqladığı göstəricilərə diqqət yetirmək kifayətdir.2017-ci il üçün MDB ölkələrində orta aylıq pensiya məbləğləri2017-ci il üçün MDB ölkələrində orta aylıq pensiya məbləğləri

Ölkə	Pensiyanın orta aylıq məbləği (ABŞ dolları ilə)
Azərbaycan	126,69
Ermənistan	78,52
Belarus	154,43
Gürcüstan	54,27
Qazaxıstan	201,45
Qırğızıstan	73,17
Moldova	82,07
Rusiya	214,95
Tacikistan	31,03
Ukrayna	72,98

BAKU.WS