Bu il Azərbaycan iqtisadiyyatına qoyulan xarici investisiyanın həcmi açıqlandı

Bu ilin yanvar-iyul ayları ərzində xarici müəssisə və təşkilatlar tərəfindən əsas kapitala 2895,8 mln. manat vəsait yönəldilib.

BAKU.WS Dövlət Statistika komitəsinə istinadən xəbər verir ki, xarici ölkələr və beynəlxalq təşkilatların vəsaitləri hesabına əsas kapitala yönəldilmiş vəsaitin 2535,7 mln. manatı və ya 87,6%-i Birləşmiş Krallıq, ABŞ, Türkiyə, Yaponiya, İsveçrə, Malayziya, Norveç, Rusiya və İran sərmayədarlarına məxsus olub.

Qeyd edək ki, 2020-ci ilin yanvar-iyul aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 7588,3 mln. manat və ya əvvəlki ilin müvafiq dövrü ilə müqayisədə 2,6% çox vəsait yönəldilib.