Böyük Qayıdış proqramında hansı güzəştlər nəzərdə tutulub? - Nazirdən açıqlama

"Növbəti mərhələdə biz Böyük Qayıdışa dair İkinci Dövlət Proqramı çərçivəsində vergi, gömrük, sosial ödənişlər və kommunal bağlantılar üzrə güzəştləri nəzərdə tutaraq, güzəşt müddətlərinin uzadılmasını, yeni təşviq mexanizmlərinin tətbiqini, maliyyə resurslarına çıxış imkanlarının genişləndirilməsini əsas hədəflər kimi müəyyənləşdirəcəyik".

BAKU.WS xəbər verir ki, bunu iqtisadiyyat naziri Mikayıl Cabbarov AZƏRTAC-a və İTV-yə məxsusi müsahibəsində deyib.

Nazir əlavə edib ki, görülən işlərin davamı olaraq digər mühüm istiqamətlər də diqqətdə saxlanılacaq:

"O cümlədən kredit faizlərinin subsidiyalaşdırılması və digər alətlərin tətbiqi, geoloji tədqiqatların davam etdirilməsi və insan kapitalının gücləndirilməsi də əsas hədəflərimiz sırasındadır".