Bitkoinin qiyməti 2024-cü ilin göstəricilərinə enib

Bitkoin son sutka ərzində ciddi ucuzlaşma yaşayıb və dəyərinin təxminən 8 faizini itirib.

BAKU.WS xəbər verir ki, kriptovalyutanın qiyməti 2024-cü ilin noyabr ayının əvvəlindən bəri ilk dəfə 69 min dollardan aşağı düşüb.

Ticarət həcminə görə lider olan "Binance" kriptobirjasında bitkoin son 24 saatda 7,85 faiz ucuzlaşaraq 68,76 min dollar səviyyəsinə enib. Bu, 5 noyabr 2024-cü ildən sonra qeydə alınan ən aşağı göstəricidir.

20-dən çox kriptobirjanın məlumatlarını toplayan "CoinMarketCap" portalının məlumatına görə, bitkoinin orta qiyməti sutka ərzində 7,84 faiz azalaraq 68,597 min dollar təşkil edib.