Azərbaycandan xaricə hava nəqliyyatı ilə səfər edənlərin sayı 27 %-dən çox artıb
Bu ilin yanvar-sentyabr aylarında Azərbaycandan hava nəqliyyatı ilə 40 ölkəyə 2 milyon 548 min 897 nəfər səfər edib.
BAKU.WS report-a istinadən xəbər verir ki, bu barədə Dövlət Turizm Agentliyinin hesabatında məlumat yer alıb. Bu, ötən ilin eyni dövrü ilə müqayisədə 6 ölkə (17,6 %) və 609 min 620 sərnişin (26,7 %) çoxdur.
9 ayda Azərbaycandan ən çox sərnişin 694 min 576 nəfər olmaqla Rusiyaya səfər edib. Bu da 1 il əvvələ nisbətən 27,3 % çoxdur.
Siyahıda Rusiyanı Türkiyə (671 min 842 nəfər sərnişin, + 16,5 %) və Birləşmiş Ərəb Əmirlikləri (300 min 940 sərnişin, +38,8 %) izləyib.
Siyahıda daha sonra Gürcüstan 150 904 sərnişin (+ 37,9 %), Səudiyyə Ərəbistan 91 403 sərnişin (+ 12 %), Hindistan 78 447 (+ 5 dəfə), Qazaxıstan 71 237 sərnişin (+25,5 %), İtaliya 47 300 sərnişin (+ 94 %), Qətər 46 863 sərnişin (+ 2 dəfə) və İsrail 40 559 (+ 10%) qərarlaşıb.
İlk onluğa Hindistan, Qətər və İtaliyanın daxil olması ilə Küveyt (38 470 sərnişin, + 24,9 %), Özbəkistan (37 955 sərnişin, - 19,6 %), və Almaniya (30 015 sərnişin, + 13,3 %) TOP-10-dan çıxıb.
Təkcə sentyabrda isə Azərbaycandan hava nəqliyyatı ilə 315 min 636 sərnişin daşınıb. Bu, ötən ilin eyni ayı ilə müqayisədə 26,4 % çoxdur.
O cümlədən, ay ərzində Rusiyaya səfər edənlərin sayı 1 il əvvələ nisbətən 29 % artaraq 92 min 7 nəfər olub.
Oxşar xəbərlər
Ekologiyaya xüsusi önəm verən SOCAR karbon emissiyasının azaldılması üçün ciddi addımlar atır
Qlobal istiləşmə və atmosferə atılan karbon emissiyalarının artması bu gün bütün dünyanı narahat edən əsas məsələlərdəndir. İstixana effekti yaradan qazların sə...