Azərbaycandan Avropaya tədarük edilən təbii qazın həcmi 50 milyard kubmetrə çatdı

Azərbaycandan Avropaya tədarük edilən təbii qazın həcmi artıq 50 milyard kubmetrə çatıb.

Bu barədə BAKU.WS Energetika Nazirliyinə istinadən xəbər verir.

Bildirilib ki, Cənub Qaz Dəhlizinin son komponenti olan TAP qaz kəməri vasitəsilə Avropaya qaz nəqlinə başlanandan bu günə qədər ixrac həcmi əhəmiyyətli dərəcədə artmaqla yanaşı, Azərbaycanın qaz təchizatı coğrafiyası da genişlənib.

Qeyd edilib ki, Gürcüstan və Türkiyə ilə yanaşı, Avropanın 10 ölkəsi Azərbaycan qazı ilə təmin olunur.