Azərbaycan xarici ölkələrə yumurtanı neçəyə satır?

"Azərbaycandan 10-a yaxın ölkəyə yumurta ixrac olunur. BƏƏ, Səudiyyə Ərəbistanı, Küveyt, Əfqanıstan və digər ölkələrə Azərbaycandan yumurta ixrac edilir".

Bu sözləri BAKU.WS-ə açıqlamasında Azərbaycan Quş əti, Yumurta İstehsalçıları və İxracatçıları Assosiasiyasının sədri Mürvət Həsənli bildirib.

Assosiasiya sədri əlavə edib ki, 2025-ci ildə bu siyahıya ABŞ də daxil olub:

"Birləşmiş Ştatlara cari ildə 57 milyon ədəddən çox yumurta ixracı baş verib. Bundan əlavə ABŞ-yə daha 50 milyonluq öhədlik olsa da, bunu reallaşdırmaq mükün olmayıb. Səbəb isə Azərbaycana yumurta ilə bağlı qıtlıq yaranmasının qarşısını almaq olub.

Avropa ölkələrinin mağazalarında yumurta 45-50 qəpik, ABŞ-də isə 1-1.20 AZN-ə satılır. Lakin Azərbaycandan alınan yumurtanın qiyməti kommersiya sirri olduğu onu açıqlamağa icazəmiz yoxdur".

Orxan Hüseyn