Azərbaycan qızıl ixracından gəlirini iki dəfədən çox artırıb

Cari ilin yanvar-iyul aylarında Azərbaycandan 178,7 milyon ABŞ dolları dəyərində qızıl ixrac edilib.

BAKU.WS xəbər verir ki, bu məlumat İqtisadi İslahatların Təhlili və Kommunikasiya Mərkəzinin (İİTKM) "İxrac icmalı"nın avqust sayında öz əksini tapıb.

Məlumata görə, bu göstərici ötən ilin eyni dövrü ilə müqayisədə 104,2 milyon ABŞ dolları və ya 2,4 dəfə çoxdur.

Təkcə iyulda isə Azərbaycan 33,9 milyon ABŞ dolları dəyərində qızıl ixrac edib. Bu isə 2024-cü ilin eyni ayı ilə müqayisədə 17,3 milyon ABŞ dolları və ya 2 dəfə artım deməkdir.

Qeyd edək ki, 2025-ci ilin yanvar-iyul aylarında Azərbaycanın qeyri-neft sektoru üzrə ixracı 2024-cü ilin müvafiq dövrü ilə müqayisədə 11,4% artaraq 2,09 milyard ABŞ dolları təşkil edib.