Azərbaycan neft hasilatını 3% azaldıb, qaz hasilatını isə 28% artırıb

Bu ilin yanvar-oktyabr aylarında mədənçıxarma sənayesində istehsalın ümumi dəyəri 26,8 mlrd. manat olmaqla, əvvəlki ilin yanvar-oktyabr aylarına nisbətən sabit qalıb.

BAKU.WS Dövlət Statistika Komitəsinə istinadən xəbər verir ki, sahənin əsas məhsulu olan xam neftin əmtəəlik hasilatı 31 mln. ton, əmtəəlik təbii qazın hasilatı isə 19,9 mlrd. kubmetr təşkil edib. Ötən ilin eyni dövrü ilə müqayisədə neft hasilatı 3,3% azalıb, qaz hasilatı isə 27,8% artıb.