Azərbaycan bu il 21 ölkəyə 20 mln. tondan artıq neft ixrac edib - SİYAHI

Bu ilin yanvar-oktyabr aylarında Azərbaycan İtaliyaya 6 231 517,13 min ABŞ dolları dəyərində 12 077 423,62 ton neft ixrac edib. Bununla da İtaliya Azərbaycanın ümumi neft ixracında birinci yerdə qərarlaşıb.

BAKU.WS-in Dövlət Gömrük Komitəsinin hesabatına istinadən verdiyi məlumata görə, Azərbaycanın ümumi neft ixracında (ixrac edilən neftin həcminə və dəyərinə görə - red.) ikinci yerdə Çexiya qərarlaşıb. Hesabat dövründə, bu ölkəyə 701 374 min dollar dəyərində 1 307 899,13 ton neft ixrac edilib.

Azərbaycanın neft ixracı üzrə siyahıda (həcm və dəyərinə görə) üçüncü Xorvatiya tutur. Yanvar-oktyabr aylarında bu ölkəyə 634 647,77 min dollar 1 187 550,72 ton neft ixrac edilib.

Məlumata əsasən, qeyd olunan göstəricilərdə hesabat dövründə gömrük orqanlarında rəsmiləşdirilməsi başa çatdırılmış ixrac olunan neftin dəyərinə dair məlumatlar nəzərə alınıb. Siyahıdan göründüyü kimi, hesabat dövründə 21 ölkəyə 10 849 719,29 min dollarlıq 20 754 593.06 ton neft ixrac edib.

BAKU.WS Apa-ya istinadən Azərbaycanın bu ilin yanvar-oktyabr aylarında neft ixrac etdiyi ölkələrə dair tərtib etdiyi reytinqi (ixrac edilən neftin məbləğinə görə) təqdim edir: