13,99%-dən ZAMİNSİZ, KOMİSSİYASIZ NAĞD KREDİT

 
Bugün Azərbaycan Mərkəzi Bankı tərəfindən keçirilən valyuta hərracına  Azərbaycan Respublikası Dövlət Neft Fondu (ARDNF) tərəfindən 100 mln. ABŞ dolları məbləğində vəsait çıxarılıb.

BAKU.WS-ə Fonddan verilən məlumata görə, bu vəsaitdən 34,3 mln. ABŞ dolları məbləğində vəsait 2 banka satılıb. Dövlət Neft Fondunun ictimaiyyətlə əlaqələr şöbəsindən bildirilib ki, il ərzində ARDNF tərəfindən hərraclar vasitəsilə valyuta satışı davam etdiriləcək. Beləliklə, hərracda təklif tələbi üstələyib. Bununla da sabah üçün dolların məzənnəsinin cuzi ucuzlaşacağı gözlənilir.

Qeyd edək ki, bu gün üçün USD/AZN rəsmi məzənnəsi 1,5971 AZN səviyyəsində müəyyən olunub.
 
Xatırladaq ki, Azərbaycan Mərkəzi Bankının İdarə Heyəti dekabrın 21-dən üzən məzənnə rejiminə keçilməsi barədə qərar qəbul edib. Bu qərara əsasən, manatın məzənnəsi başlıca olaraq valyuta bazarında tələb və təklifin nisbətini müəyyən edən fundamental amillərin təsirinə uyğun olaraq formalaşır.
 
AMB-nin valyuta bazarında iştirakı isə bu rejimə uyğun həyata keçirilir. Qeyd edək ki, Mərkəzi Bankın marjasına əsasən banklar dolları 1.6750 manatdan baha sata bilməzlər. 
 
Şahin Həbibov
BAKU.WS